Pages

HashOcean

Friday, January 25, 2013

အွန်လိုင်းမှ အင်တာနက်ဘီလ်ဆောင်ခွင့် ယခုလကုန် ရမည်

Source:http://popularmyanmar.com/
အွန်လိုင်းအင်တာနက် ဘီလ်‌ဆောင်ခွင့်ကို ယခုလကုန်တွင် စတင်‌ဆောင်ရွက်သွားမည်ဟု ရတနာပုံ တယ်လီပို့မှ သိရသည်။
”ဘဏ်‌တွေကို ‌နောက်ဆုံးအကြိမ် ‌ခေါ်‌တွေ့ဖို့ပဲ ရှိ‌တော့တယ်။ လုပ်ငန်းအပိုင်း‌တွေ အားလုံး ပြီးစီး သွားပါပြီ။ ‌တွေ့တဲ့အပိုင်းကလည်း ဒီဝန်‌ဆောင်မှုကို လူသိ‌အောင် ‌ကြေညာဖို့အတွက် ‌ခေါ်‌ပြောမှာပါ” ဟု ရတနာပုံတယ်လီပို့မှ ဌာနမှူး ဦး‌အောင်စံမြတ်က ‌ပြောသည်။
အဆိုပါစနစ် စတင်ပါက မြန်မာ့ဆက်သွယ်‌ရေးမှ ဝန်‌ဆောင်မှု ‌ပေးထားသည့် ADSL၊ ရတနာပုံ တယ်လီပို့မှ ADSL၊ ဘီလ်စနစ်သုံး ဖိုင်ဘာ‌ကေဘယ်စနစ်၊ FTTX စနစ်များ ဘီလ်‌ဆောင်ခွင့် ရရှိ မည်ဖြစ်‌ကြောင်း သိရသည်။
”အချိန်ကြာမြင့်နေတာက တစ်စုံတစ်ခု ချို့ယွင်းချက် မရှိ‌အောင် အ‌သေးစိတ်လုပ်‌နေတဲ့အတွက် ကြာသွားတာပါ။ ဖုန်းဘီလ်‌ဆောင်တဲ့ စနစ်အတိုင်း ‌ဆောင်ရွက်ထားပါ တယ်” ဟု ၎င်းက ဆက်‌ပြောသည်။

Thursday, January 17, 2013

အစိုးရဝန်ထမ်းများကို လစာတိုး‌ပေး‌ရေး မလိုအပ်‌သော အသုံးစရိတ်များ ‌လျှော့ချရန် ကြိုးပမ်းမည်ဟု လွှတ်‌တော်အမတ်များ ‌ပြောကြား

လာမည့် ဘဏ္ဍာနှစ်တွင် နိုင်ငံ့ဝန်ထမ်းများ၏ လစာများကို တိုးမြှင့်ပေးနိုင်ရန်အတွက် မလိုအပ်‌သော စီမံကိန်းများ၏ ကုန်ကျ‌ငွေများကို

ဖြတ်‌တောက် ရမည်ဖြစ်‌ကြောင်း လွှတ်‌တော်ကိုယ်စားလှယ် အချို့က ‌ပြောသည်။ ပြည်‌ထောင်စု လွှတ်‌တော် ဆဋ္ဌမပုံမှန် အစည်းအ‌ဝေး

ပထမ‌နေ့တွင် နိုင်ငံ‌တော်သမ္မတ ‌ပေးပို့သည့် နှစ်သစ်ကူး သဝဏ်လွှာ၌လည်း လာမည့်ဘဏ္ဍာနှစ်တွင် နိုင်ငံ့ဝန်ထမ်းများ၏

‌ထောက်ပံ့‌ကြေးများကို တိုးမြှင့်ပေးနိုင်‌တော့မည် ဖြစ်‌ကြောင်း ထည့်သွင်း‌ဖော်ပြထားသည်။ “ဝန်ထမ်း‌တွေကို လစာတိုး‌ပေးဖို့က မဖြစ်မ‌နေ

‌ဆောင်ရွက်ရမယ့် ကိစ္စပါ။ ဒါ‌ပေမယ့် တစ်ခုစဉ်းစားရမှာက နိုင်ငံမှာ ဘတ်ဂျက်က လို‌ငွေနဲ့ သွား‌နေရတာ‌လေ။ လို‌ငွေ‌တွေရှိရင် ‌ငွေစက္ကူ‌တွေ

ရိုက်ထုတ်ရ‌တော့ ‌ငွေ‌ကြေး‌ဖောင်းပွမှု‌တွေ ဖြစ်လာနိုင်တယ်။ လစာတိုး‌ပေးမယ်ဆိုရင် မလိုတဲ့ ဘတ်ဂျက်‌တွေကို ဖြတ်ချမှ ရမယ်” ဟု

အမျိုးသားလွှတ်‌တော် ကိုယ်စားလှယ် ဦးဖုန်းမြင့်အောင်က ဆိုသည်။ လာဘ်‌ပေးလာဘ်ယူမှု ‌လျော့နည်း‌စေ‌ရေးအတွက် ဝန်ထမ်းများအား

လစာတိုး‌ပေးရန် ၂၀၁၂-၁၃ ဘဏ္ဍာနှစ်တွင် လွှတ်‌တော်မှ ‌တောင်းဆိုခဲ့‌သော်လည်း နိုင်ငံ‌တော်သမ္မတက တိုးမ‌ပေးနိုင်သည့်အတွက်

ယခုဘဏ္ဍာနှစ်တွင် တိုး‌ပေးနိုင်ရန် စီစဉ်ခြင်း ဖြစ်နိုင်ပြီး ရန်ပုံ‌ငွေ လုံ‌လောက်မှု ရှိ‌စေရန် မလိုအပ်‌သော ဘတ်ဂျက်များ ‌လျှော့ချခြင်း

နည်းလမ်းသာမက ဖွဲ့စည်းပုံ ပိုလျှံ‌နေ‌သော ဝန်ထမ်း အဖွဲ့အစည်းများအား ‌သေချာစိစစ်၍ လိုအပ်‌သော ဖွဲ့စည်းပုံအတိုင်းသာ

ထားရှိလုပ်‌ဆောင်ရန် လိုအပ်‌ကြောင်း အမျိုးသားလွှတ်‌တော် ကိုယ်စားလှယ် ‌ဒေါက်တာ‌အေး‌မောင်က ‌ပြောသည်။ တိုင်းပြည်တွင်

လက်ရှိကာလ၌ ဘဏ္ဍာ‌ရေး အကျပ်အတည်း ကြုံ‌တွေ့‌နေရသည် မဟုတ်ဘဲ မှန်မှန်ကန်ကန် သုံးစွဲနိုင်ရန် ညှိနှိုင်း‌နေရသည့်

မိုဘိုင်းအင်တာနက် သုံးစွဲခ စနစ်နှစ်မျိုးဖြင့် ‌ကောက်ခံမည်

ဖုန်းအင်တာနက် သုံးစွဲသူများ၏ ကန့်ကွက်မှုများ‌ကြောင့် မြန်မာ့ဆက်သွယ်‌ရေးလုပ်ငန်းက မိုဘိုင်းဖုန်း အင်တာနက် အသုံးပြုခများကို အသုံးပြုသည့် အချက်အလက် ပမာဏအလိုက် ‌ကောက်ခံမည့် စနစ်နှင့် လက်ရှိ အသုံးပြု‌နေ‌သော မိနစ်အလိုက် ‌

Tuesday, January 8, 2013

ဘားကမ့် (ရန်ကုန်) တွင် ဘားကမ့်၏ သမိုင်းကြောင်း ပြခန်း ထားရိှမည်

Source; http://news.yatanarpon.com.mm/news/news-73767
လွတ်လပ်သော တွေးခေါ်ယူဆချက်များ၊ အသိပညာ၊ အတတ်ပညာ၊ အတွေ့အကြုံ၊ ဗဟုသုတများကို နယ်ပယ်ကဏ္ဍ သတ်မှတ်မထားဘဲ မိမိနှစ်သက်ရာ ခေါင်းစဉ်ဖြင့်  ဝင်ရောက်ဆွေးနွေး ဖြန့်ဝေနိုင်သော Bar Camp Yangon 2013 ပဲြွကီးကို ဇန်နဝါရီလ ၁၉ နှင့် ၂၀ ရက်နေ့များတွင် Myanmar Info-Tech ၌ ကျင်းပမည် ဖြစ်ကြောင်း သိရသည်။ ဘားကမ့်သမိုင်းကြောင်း ပြခန်းကို Myanmar Info-Tech ဝန်း တစ်နေရာ၌ ခင်းကျင်း၍ ဘားကမ့် ဖြစ်ပေါ်လာပုံ၊ မြန်မာနိုင်ငံတွင် ကျင်းပခဲ့သော ဘားကမ့်၏ မှတ်တမ်းတင် ဓာတ်ပုံများ
စသည်ဖြင့် Bar Camp History Hall of Fame အကြောင်းအရာများကို ပြသမည် ဖြစ်သည်။ ဘားကမ့် တက်ရောက်လာသူများအတွက် လက်ဆောင်ပစ္စည်းများကိုလည်း ထူးထူးခြားခြား ဖြစ်စေရန် စီစဉ်ပေးထားပြီး၊ လက်ဆောင်ထုတ်ယူရန် registration Desk အမြောက်အမြား ခဲွ၍ထားမည် ဖြစ်ကြောင်း သိရသည်။ ထို့အပြင် wifi Service ကို အခြားကုမ္ပဏီများက Sponsor ပေးခြင်းမျိုး မဟုတ်ဘဲ Bar Camp Yangon ၏ Tech Support Group မှ ကိုယ်တိုင် စီစဉ်သွားမည် ဖြစ်သောကြောင့် ယခင်နှစ်ထက် ပိုမို အဆင်ပြေမည်ဟု ခန့်မှန်းထားကြောင်း Organizer Team Coordinator ကိုထူးမြင့်နောင်က ပြောသည်။ နိုင်ငံတကာ barcamper အများစု အာရုံစိုက်ခြင်း ခံရသည့် မြန်မာနိုင်ငံ၏ ဘားကမ့်ပဲွကို ယခုနှစ်တွင် နိုင်ငံခြားဧည့်သည်များ ပိုမိုလာရောက်မည် ဖြစ်ပြီး အချိန်နီးကပ်လာသည်နှင့်အမျှ Volunteer အရေအတွက်၊ Online registration အရေအတွက်မှာ အလျင်အမြန် တိုးတက်လျက် ရိှကြောင်း တွေ့ရိှရသည်။ Online registration ပြုလုပ်၍ လာရောက်သူတိုင်းကို လက်ဆောင်ပစ္စည်းများ ပြန်လည်ပေးအပ်မည် ဖြစ်သောကြောင့် စိတ်ပါဝင်စား၍ ပါဝင်လိုသော လူငယ်၊ လူကြီးများ၊ http://barcamp yangon2013.doattend.com/ တွင် register ပြုလုပ်နိုင်ကြောင်း သိရိှရသည်။

Monday, January 7, 2013

မူဝါဒ ပြောင်းလဲပြီးနောက် Instagram အသုံးပြုမှု နည်းပါးလာ

Source; http://news.yatanarpon.com.mm/news/news-73753
Facebook သည် ၎င်းတို့ပိုင်ဆိုင်သော Instagram app ဝန်ဆောင်အပိုင်းနှင့် ပတ်သက်၍ ဓာတ်ပုံဆိုင်ရာ မူဝါဒ ပြောင်းလဲပြီး နောက်ပိုင်းတွင် အဆိုပါ app ကို ဝင်ရောက် အသုံးပြုကြသည့် active users အရေအတွက်မှာ ပိုမို နည်းပါးသွားကြောင်း  online သုတေသနအဖွဲ့ ဖြစ်သည့် AppData က ထုတ်ဖော် ပြောဆိုသွားခဲ့သည်။ Facebook မှာ Instagram ကို ယခုနှစ် ဧပြီလအတွင်းက ဒေါ်လာ ၁ ဘီလီယံဖြင့် ဝယ်ယူခဲ့ပြီးနောက်တွင် ယခုကဲ့သို့ နေ့စဉ် ပုံမှန် သုံးစွဲနေသည့် active users အရေအတွက်မှာ ပြီးခဲ့သည့် သောကြာနေ့ ထုတ်ပြန်သည့် တစ်ပတ်တာ အသုံးပြုသူ အရေအတွက်အရ ၁၂.၄ သန်းသာ ရှိခဲ့ပြီး အဆိုပါသတင်းပတ် မတိုင်ခင်က ရှိခဲ့သည့် အရေအတွက်မှာ ၁၆.၄ သန်းအထိ ရှိခဲ့၍ ၂ သန်းဝန်းကျင် လျော့နည်းသွားကြောင်း AppData အဖွဲ့က စုစည်း တင်ပြထားခြင်း ဖြစ်သည်။ အဆိုပါ လူကြိုက်များသည့် Instagram app မှာ ဓာတ်ပုံများတွင် အမျိုးမျိုးသော ပြောင်းလဲမှုများဖြစ်သည့် filters နှင့် effects များကို သုံးစွဲခွင့်ပြုကာ အင်တာနက်နှင့် စမတ်ဖုန်းများမှ တစ်ဆင့်
အဆိုပါ ပြုပြင်ထားသော ဓာတ်ပုံများကို ပြန်လည် share လုပ်ခြင်း ဖြစ်သည်။ Instagram ၏ မူဝါဒ ပြောင်းလဲမှုမှာ အဆိုပါ ဓာတ်ပုံများကို မူရင်းပိုင်ရှင်များ၏ ခွင့်ပြုချက်မရဘဲ ၎င်းတို့၏ ကြော်ငြာကဏ္ဍများတွင် ထည့်သွင်း အသုံးပြုခြင်းဖြစ်ပြီး ထိုကဲ့သို့ အသုံးပြုခြင်း အတွက်လည်း မူရင်းပိုင်ရှင်အား တန်ဖိုး တစ်စုံတစ်ရာ ပေးအပ်ခြင်း မရှိတော့ခြင်း ဖြစ်သည်။ ထို့အတွက်ကြောင့် သုံးစွဲသူများဘက်မှ ကြီးစွာ စိတ်ဆိုး ဒေါသထွက်ခြင်းများ ဖြစ်ပေါ်ခဲ့ပြီး အဆိုပါ ပုဂ္ဂိုလ်များထဲတွင် Kim Kardashian နှင့် Justin Bieber တို့ကဲ့သို့ နာမည်ကြီး အနုပညာရှင်များလည်း ပါဝင်ခဲ့သည်။ AppData ၏ ထောက်ပြမှုကြောင့် Instagram ၏ ဝန်ဆောင်မှုဆိုင်ရာ မူဝါဒ ပြောင်းလဲမှုများနှင့် ပတ်သက်၍ အာရုံ ပိုမိုစိုက်ခြင်း ရှိလာခဲ့ပြီး အခြားတစ်ဘက်တွင် ၎င်းတို့မှာ ကြော်ငြာရှင်များအား သုံးစွဲသူများ၏ အမည်များ၊ ကြိုက်နှစ်သက်မှုများနှင့် ဓာတ်ပုံများကို ဖော်ပြခြင်းအတွက် ငွေကြေး တစ်စုံတစ်ရာ ပေးချေစေခြင်း ဖြစ်သည်။ ကျေနပ်မှု မရှိကြသော သုံးစွဲသူများက အမေရိကန်နိုင်ငံ၊ ကယ်လီဖိုးနီးယား ပြည်နယ်ရှိ တရားရုံးတစ်ခု၌ အရပ်ဘက် အမှုအဖြစ် တရားစွဲထားသည်။

Friday, January 4, 2013

အင်တာနက် အသုံးပြုရာတွင် အမည်ရင်းဖြင့် အသုံးပြုရေး တရုတ်နိုင်ငံတွင် ထုတ်ပြန်

 Source: http://news.yatanarpon.com.mm/news/news-73673
တရုတ်အစိုးရသည် အင်တာနက် အသုံးပြုမှုအပေါ် ထပ်မံတင်းကျပ်သည့် အနေဖြင့် နိုင်ငံတစ်ဝန်း အင်တာနက် အသုံးပြုသူများအား အမည်ရင်း အစစ်မှန်ဖြင့် သုံးစဲြွကရန် ဥပဒေ စည်းမျဉ်းသစ်များ ထုတ်ပြန်လိုက်ကြောင်း  သိရသည်။ နိုင်ငံ၏အဓိက ဥပဒေပြုအဖဲွ့ဖြစ်သော အမျိုးသား ပြည်သူ့ကွန်ဂရက် (NPC) သည် ယခုစည်းမျဉ်းများကို ဒီဇင်ဘာ ၂၈ ရက်က ပြုလုပ်သည့် အစည်းအဝေး၌ ပြဋ္ဌာန်းခဲ့ခြင်းဖြစ်ကြောင်း ဆင်ဟွာသတင်းတွင် ဖော်ပြသည်။ ဆင်ဟွာ၏ ဖော်ပြချက်၌ “ဆက်သွယ်ရေး ကွန်ရက် ဝန်ဆောင်မှုပေးတဲ့ ကုမ္ပဏီ၊ အဖဲွ့တွေဟာ အင်တာနက် အသုံးပြုသူတွေကို အင်တာနက် ချိတ်ဆက်ခြင်း၊ အထိုင်လိုင်းဖုန်းသုံးခြင်း (သို့မဟုတ်) မိုဘိုင်းဖုန်း ဆက်သွယ်ခြင်းတို့ ပြုလုပ်တဲ့အခါ စစ်မှန်တဲ့ ကိုယ်ရေးအထောက်အထား အချက်အလက်တွေကို ပေးအပ်ကြဖို့ တောင်းဆိုပါလိမ့်မယ်” ဟု ဖော်ပြထားသည်။
တရုတ်နိုင်ငံတွင် အမေရိကန်မှ တွစ်တာ ဝက်ဘ်ဆိုက်ကဲ့သို့ပင် လူသုံးများသော လူမှုကွန်ရက်နှင့် ဘလော့ဂ်ဆိုက်များတွင် အာဏာပိုင်များ၏ အမှားအယွင်းများကို ဝေဖန်မှုများ၊ အစိုးရ၏ ခြစားမှုများကို ဖော်ထုတ် ပြောဆိုမှုများမှာ ခေတ်စားသည်။ ဘေကျင်းသည် ၎င်း၏ နိုင်ငံတွင်း အင်တာနက် အသုံးပြုမှုကို နည်းမျိုးစုံဖြင့် ဆင်ဆာပြုလုပ်ပြီး ကန့်သတ်ထားလေ့ ရှိသည်။ တရုတ်နိုင်ငံပိုင် မီဒီယာကမူ ယခုကဲ့သို့ အသုံးပြုသူများ၏ အမည်အစစ်အမှန်များ ဖော်ပြစေခြင်းမှာ နိုင်ငံ၏ လုံခြုံရေး ကာကွယ်ရန်နှင့် အသုံးပြုသူများကို ကာကွယ်ပေးရန်ဖြစ်ပြီး အသုံးပြုသူများ အနေဖြင့်  အမည်ရင်းနှင့် မှတ်ပုံတင် ထားသော်လည်း ၎င်းတို့၏ တင်ပြချက်များကို အင်တာနက်ပေါ်တွင် နှစ်သက်ရာ အခြားအမည်များဖြင့် တင်ပြခွင့်ပေးထားကြောင်း ဖော်ပြသည်။ ဆင်ဟွာသတင်း၏ အဆိုအရ ပြီးခဲ့သည့် လအထိ တရုတ်နိုင်ငံတွင် အထိုင်ဖုန်း အသုံးပြုသူ အားလုံးနီးပါးနှင့် မိုဘိုင်းဖုန်းလိုင်း အသုံးပြုသူ ရ၀ ရာခိုင်နှုန်းခန့်သည် ၎င်းတို့၏ ကိုယ်ပိုင် အမည်ရင်းများဖြင့် မှတ်ပုံတင် အသုံးပြုနေကြောင်း အစိုးရ၏ သတင်းနည်းပညာနှင့် စက်မှုဝန်ကြီးဌာနကို ကိုးကား ဖော်ပြထားသည်ကို တွေ့ရသည်။